Gazeta Si – Trupi i pajetë i një gruaje 53-vjeçare me iniciale A.L., është gjetur mesditën e kësaj të hëne në plazhin e Durrësit, pranë sektorit “Iliria”.
Sipas policisë, ajo është mbytur aksidentalisht, ndërsa trupi i saj u dërgua në morgun e spitalit të Durrësit, për të kryer autopsinë.
Kufoma u pikas nga kalimtarët e rastit në zonë në sektorin Iliria, ndërsa nuk janë konstatuar shenja dhune.
“Rreth orës 11:20, në lagjen nr .13, është gjetur në det, trupi i pajetë i shtetases A. L., 53 vjeçe, banuese në Tiranë, e cila dyshohet se është mbytur aksidentalisht në det. Nga këqyrja paraprake e trupit të 53-vjeçares nuk janë konstatuar shenja dhune. Grupi hetimor vijon punën për sqarimin e rrethanave të ngjarjes.”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
