Gazeta Si – Gjykata e Durrësit ka lënë në qeli babain 44-vjeçar, i cili akuzohet për tentativë përdhunimi ndaj të bijës 14-vjeçare.
Gëzim Ceku u arrestua nga policia për “dhunë në familje” dhe “marrëdhënie seksuale me të mitur mbetur në tentativë”.
Ngjarja ndodhi të shtunën e kaluar në lagjen 15 në Durrës, ku familja ishte vendosur prej pak kohësh dhe jetonte me qira.
I arrestuari u denoncua nga bashkëshortja për dhunë verbale, emocionale dhe për tentativë marrëdhëniesh seksuale me të bijën adoleshente, pasi e kishte nxjerrë atë nga banesa.
Pas arrestimit, 44-vjeçari ka mohuar akuzën për akte të turpshme ndaj së bijës dhe ka deklaruar se një akuzë e tillë është një kurth ndaj tij për ta larguar nga shtëpia. Sipas policisë, ndaj të akuzuarit nuk ka pasur më parë denoncime për dhunë në familje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
