.png)
BE-ja do të rikthejë Festivalin Europian të Filmit në Rusi këtë nëntor, pavarësisht luftës së Rusisë kundër Ukrainës.
21 filma nga Gjermania, Franca, Spanja, Italia, Republika Çeke, Luksemburgu dhe vende të tjera të BE-së do të shfaqen kryesisht online dhe pa pagesë midis 1 dhe 15 nëntorit.
“Festivali, i cili nuk u zhvillua në vitin 2022 për shkak të konfliktit, do të shfaqë 21 filma nga vendet e BE-së, përfshirë Gjermaninë, Francën, Spanjën, Italinë, Republikën Çeke dhe Luksemburgun dhe do të zhvillohet online nga 1 deri në 15 nëntor, kryesisht falas”, thuhet nga delegacioni i BE-së në Rusi për festivalin me sloganin “Kinema e bashkuar”.
“Edhe në kontekstin e vështirë të luftës ruse kundër Ukrainës, BE-ja dëshiron të tregojë se marrëdhëniet midis evropianëve dhe rusëve mund të vazhdojnë”, tha ambasadori i BE-së në Rusi, Roland Galharague.
Galharague tha se ndërsa BE-ja i ka dhënë fund bashkëpunimit me qeverinë ruse për luftën, kjo nuk duhet të reflektojë tek populli i Rusisë.
“Kinemaja i bashkon njerëzit. Kultura dhe arti rus shërben si një burim pasurimi për filmin në Europë gjithashtu”, tha ai.
Gjithashtu do të shfaqen dy bashkëprodhime me pjesëmarrjen ruse.
Shumë artistë rusë janë larguar nga atdheu i tyre pasi nuk mund të punojnë më lirisht në vendin ku kultura perëndimore ndonjëherë demonizohet zyrtarisht.
Në veçanti, kineastët janë ankuar vazhdimisht për censurën nga Ministria ruse e Kulturës, e cila, refuzon të japë licensa për shpërndarjen e filmave në kinema.
Filmat, duke përfshirë dokumentarët, do të shfaqen në gjuhën e tyre origjinale me titra në platformën e kinemasë në internet “Coolplay”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
