.png)
Kryeministri izraelit, Benjamin Netanyahu në një deklaratë për mediat nga Tel Aviv, është shprehur se militantët e Hamasit “janë të dënuar”, ndërsa ka paralajmëruar se vendi po përgatitet për sulm tokësor.
“Të gjithë militantët e Hamasit janë të dënuar,” tha ai, duke shtuar se njerëzit po punojnë rreth orës se kur do të futen për sulm.
Kreu i qeverisë izraelite nuk ka dhënë detaje të sulmit që po përgatisin, duke i cilësuar mjaft sekrete.
“Dua ta bëj shumë të qartë se koha e funksionimit të IDF-së përcaktohet unanimisht nga kabineti që drejton luftën së bashku me shefin e shtabit të përgjithshëm”, tha ai. “Ne punojmë për të siguruar kushtet më të mira optimale për operacionet e tyre të ardhshme”, u shpreh Netanyahu.
Duke u bërë thirrje izraelitëve, ai u kërkon atyre të mos harrojnë për asnjë moment ata që janë vrarë në sulmet e Hamasit.
“Është si të futësh mijëra shigjeta në zemrën tonë, e cila rrjedh gjak,” thotë ai, duke shtuar se do të ketë një ditë zie kombëtare për të kujtuar viktimat.
Ai gjithashtu u kërkoi njerëzve që të evakuohen në jug të Gazës dhe thotë se vendi po i ndihmon qytetarët të marrin armët e tyre personale në mënyrë të kontrolluar.
“Roli im është të udhëheq këtë vend dhe popullin e tij drejt fitores së plotë mbi armiqtë tanë. Së bashku do të luftojmë dhe së bashku do të fitojmë”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
