.png)
Gazeta Si – Kërcënime për praninë e bombave mbërritën në 9 aeroporte franceze mëngjesin e kësaj të mërkure, të cilat u evakuuan për kontrolle nga forcat policore.
Ngjarja ka ndodhur në aeroportet e Lille, Lyon, Toulouse, Nantes, Beauvais (në veri të Parisit), Strasburgo, Rennes, Biarritz, Lione e Nizza.
Asnjë avion nuk po ngrihet aktualisht nga terminalet e përfshira, thotë Drejtoria e Përgjithshme e Aviacionit Civil.
Për ata që u ulën, në disa raste pasagjerët u zbarkuan në pritje të kontrollit, në raste të tjera u kërkua të bënin durim brenda avionëve.
Aeroporti i Nicës gjithashtu kishte marrë një kërcënim, por alarmi tashmë ka përfunduar (evakuimi kishte filluar edhe këtu): ai përfshinte bagazhe të braktisura, të cilat u hoqën menjëherë.
Sipas burimeve të policisë lokale, kërcënimet mbërritën me email dhe për arsye paraprake aeroportet u evakuuan dhe fluturimet u pezulluan. Mesazhet flisnin përgjithësisht për “kërcënime sulmesh” pa ndonjë pretendim specifik.
Në disa raste (për shembull në Toulouse) u raportua prania e një paketë bombë.
Në Lyon u vu në shënjestër aeroporti “Bron”, i cili nuk është kryesori në qytet: këtu alarmi u hoq pak pas mesditës dhe lëvizja rifilloi.
Pavarësisht vlefshmërisë së alarmeve, ndalimi i fluturimeve rrezikon të ketë pasoja në trafikun ajror në të gjithë Francën.
Ditët e fundit, disa kërcënime me bombë kanë prekur shkollat, por edhe Muzeun e Luvrit dhe Château de Versailles.
Kërcënimet e fundit, dyshohet të kenë lidhje edhe me konfliktin e përgjakur në Lindjen e Mesme, pasi në Francë jetojnë me miliona myslimanë nga vende të ndryshme të botës arabe.
Psikoza e alarmeve për bombë ka prekur edhe Belgjikën: një alarm ra në aeroportin e Ostendit, në Detin e Veriut, pak pas orës 13:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
