.png)
Gazeta Si – Një operacion antiterror në Itali nisi mëngjesin e së martës, i koordinuar nga Prokuroria Publike e Milanos, Drejtoria Antimafia e Qarkut dhe Antiterrorizmi.
Një shtetas egjiptian dhe një italian i natyralizuar me origjinë egjiptiane u arrestuan, të akuzuar për pjesëmarrje në një organizatë me qëllim terrorizmin dhe nxitje për të kryer një krim me qëllim terrorizmi.
Dy të dyshuarit me origjinë egjiptiane u arrestuan për “pjesëmarrjen e tyre “në organizatën terroriste ndërkombëtare të quajtur Isis” dhe prokurori i Milanos në një komunikatë dhe thuhet se ishin “jashtëzakonisht aktiv në propagandë dhe aspektin digjital në emër të ISIS, duke qenë në dispozicion të organizatës terroriste dhe duke financuar ‘kauzat mbështetëse’, ndaj të cilave ishin betuar për përkatësi dhe besnikëri”.
Dy të arrestuarit, kërcënuan në internet përfaqësues të rëndësishëm të institucioneve italiane, mes tyre edhe kryeministren Giorgia Meloni.
Kërcënimet përmbaheshin në komentet e gjera që të dy lanë në mbështetje të postimeve, përfshirë ato të dhunshme, të publikuara në bisedat në Whatsapp, Telegram dhe Facebook.
Dy të arrestuarit, nga 40 deri në 50 vjeç, banorë në dy qytete të ndryshme në brendësi të Milanos dhe me punë në sektorin e pastrimit (një punonjës i një kompanie, tjetri pronar, por me një kompani tashmë të mbyllur), ishin në kontakt mes tyre.
Njëri, në fakt, do të kishte indoktrinuar tjetrin, sipas hetimeve. Për të dytin, në veçanti, betimi i tij i shkruar dhe i rinovuar për besnikëri dhe nënshtrim ndaj ISIS-it u zbulua në internet.
Të dy, sipas hetimeve, kishin dërguar mesazhet e tyre, veçanërisht komentet edhe për videot e masakrave dhe sulmeve nga ISIS, në grupet Telegram, WhatsApp dhe Facebook për propagandë, duke e shpallur veten “terroristë” të ISIS.
Prandaj, hetimi, në të cilin tashmë ishin kryer kërkime, u fokusua mbi të gjitha në analizën e këtyre mesazheve kundër Perëndimit, duke përfshirë kërcënimet ndaj “organeve institucionale” dhe në favor të Shtetit Islamik dhe në mbështetjen nëpërmjet financimit të dërguar nga të dy për të mbështetur ekstremizmin islamik.
Në veçanti, të dy dyshohet se u dërguan para grave që ishin të veja, sepse burrat e tyre kishin vdekur në luftë.
U zbulua se ata i dërguan para edhe një burri, që sipas hetimeve amerikane ishte pjesë e ISIS. Me sa raporton shtypi italian, asnjë plan specifik për përgatitjen e sulmeve nuk doli në hetim.
Telefonat dhe pajisjet kompjuterike të të dyve u sekuestruan dhe hetuesit tani do të mund të zbulojnë nëse aktiviteti i tyre është rritur apo jo ditët e fundit me luftën e vazhdueshme izraelito-palestineze dhe pas ngjarjeve të 7 tetorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
