.png)
Gazeta Si – Një mësues letërsie u godit me thikë në fyt në shkollën e mesme Gambetta në qendër të Arras, në veri të Francës, nga një sulmues rreth të njëzetat, i cili dyshohet se është me origjinë nga Çeçenia.
Mediat raportojnë se autori është një ish-nxënës i së njëjtës shkollë të mesme, i cili hyri në duke thirrur “Allah Akhbar” . Autori i sulmit u klasifikua si “S”, që në sistemin francez do të thotë “në rrezik radikalizimi”.
Për këtë arsye ai monitorohej nga shërbimet e sigurisë. Prokuroria Kombëtare e Francës kundër Terrorizmit ka hapur një hetim.
🔴🇫🇷 ALERTE INFO – Opération de police a eu lieu au lycée Gambetta à #Arras, après une attaque au couteau. L’auteur des faits a été interpellé par la police selon Gérald #Darmanin.
— INFORMATIONS365 (@Infos365) October 13, 2023
(Vidéo choquante, âme sensible s’abstenir) pic.twitter.com/vOKBJkAoNK
Në aksion, dyshohet se ka marrë pjesë vëllai i vrasësit dhe është arrestuar jo shumë larg. Ka edhe persona të tjerë të plagosur, dy prej tyre – një oficer sigurie dhe një mësues – në gjendje të rëndë.
Midis tyre, një mbikëqyrës nga instituti Gambetta u transportua në spital në gjendje kritike.
Një tjetër mësues, raportohet nga burime policore, ka mbetur i plagosur, por jo rëndë.
Vrasësi është arrestuar dhe situata është nën kontroll, sipas ministrit të Brendshëm Gérald Darmanin.
Mes të plagosurve nuk ka gjimnazistë. Djali me origjinë çeçene ka hyrë në shkollë rreth orës 11 të mëngjesit, duke bërtitur dhe goditur me thikë pa dallim personat që ka takuar. Bilanci i të sulmuarve është ende provizor.
Alarmi për terrorizëm ishte tashmë i lartë në të gjithë Francën, veçanërisht në shkolla, edhe pse ata të paralajmëruar nga autoritetet për rreziqet e mundshme të sulmeve ishin hebrenj.
UND ES GEHT LOS!
— 𝔄𝔫𝔱𝔦-𝔊𝔯ü𝔫𝔢🐀 (@Sobh2348o5khbH) October 13, 2023
Bericht: Täter rief „Allahu Akbar“
Ein Toter! #Messer-Angriff an französischer Schule!
In der französischen Stadt #Arras hat es einen mutmaßlich terroristisch motivierten Messer-Angriff an einer Schule gegeben.#Eilmeldung #MuslimTerrorists #Frankreich#France… pic.twitter.com/URWxlGRHmw
“Po dilnim nga klasa për të shkuar në mensë, pamë një djalë me dy thika, sulmoi mësuesin dhe e gjakosi. Ai u përpoq ta qetësonte për të na mbrojtur. Na tha të largoheshim, nuk e kuptuam mirë, ne filluam të vrapojmë dhe të tjerët u kthyen në katet e sipërme”, thanë disa nxënës, të cilët gjithashtu raportuan se ishin të mbyllur në klasat e tyre përkatëse menjëherë pas sulmit.
Për këtë arsye, hetimet për atë që ndodhi në Arras iu besuan departamentit të antiterrorizmit.
Sulmi vjen në një kohë tensioni të madh për shkak të frikës së pasojave nga lufta në Izrael dhe Gaza në Francë.
Të enjten në mbrëmje, presidenti Emmanuel Macron iu drejtua kombit gjatë lajmeve të orës 20:00 për të bërë thirrje për unitet të të gjithë popullit francez për të shmangur importimin e konfliktit të Lindjes së Mesme në Francë.
Të hënën e kaluar ishte tre-vjetori i vdekjes së Samuel Paty, mësuesit që iu pre koka kur doli nga shkolla nga një djalë me origjinë çeçene.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
