Mbreti Charles dënon sulmet terroriste në Izrael: Jemi pranë të gjitha viktimave

Gazeta Si – Mbreti Charles ka telefonuar presidentin izraelit Yitzhak Herzog dhe mbretin Abdullah të Jordanisë për të shprehur atë që një zëdhënës mbretëror e quan “një dënim të akteve barbare të terrorizmit në Izrael”.

Ndërkohë që ai kërkon që të jetë i informuar për gjithçka. Mesazhi i Mbretit Charles, i cili kishte vizituar Izraelin dhe gjithashtu Bregun Perëndimor në vitin 2020, u ndoq nga afër nga princat e Uellsit.

William dhe Kate janë “thellësisht të shqetësuar nga ngjarjet shkatërruese që kanë ndodhur ditët e fundit”, sipas zëdhënësit të tyre.

“Tmerret që u janë shkaktuar izraelitëve nga terroristët e Hamasit janë tronditëse. Dhe ata i dënojnë me vendosmëri”.

Fjalët që trashëgimtari i fronit dhe gruaja e tij i plotësojnë me mendimin e afërsisë me dhimbjen për viktimat e shumta: “Ndërsa Izraeli ushtron të drejtën e tij për vetëmbrojtje, të gjithë izraelitët dhe palestinezët do të vazhdojnë të jenë të përndjekur nga pikëllimi, frika dhe zemërimi në kohën që do të vijë”.

Duke shtuar se, “Lartësia e tyre mbretërore i mban të gjitha viktimat, familjet dhe miqtë e tyre në zemrat dhe mendjet e tyre”. Të gjitha viktimat.

Me pak fjalë, princat janë afër, duke i mbajtur në zemrat dhe mendimet e tyre, me familjet dhe miqtë e të dyja palëve të tronditur nga ky konflikt.

Duke kujtuar vizitën e Uilliam-it në atë zonë të Lindjes së Mesme në vitin 2018. Një kujtim, se si ata që kishte takuar princi në atë udhëtim ndanin të gjithë shpresën për një të ardhme më të mirë. Edhe tani, William dhe Kate, në errësirën e këtyre ditëve, vazhdojnë të “ndajnë besimin dhe shpresën për të ardhmen”.

Fjalë që vijnë nga familja mbretërore jo menjëherë, si pak orë pas shpërthimit të luftës në Ukrainë pas sulmit rus, dhe të kujdesshëm për të mbajtur së bashku dhimbjen e të dyja palëve.

Ata e dinë mirë, ashtu si Princi Philip që donte të sillte në Izrael eshtrat e nënës së tij, Princeshës Alice të Greqisë, kompleksitetin e çështjes izraelito-palestineze.

Sa i përket mbretit që gjatë gjithë jetës së tij e përkufizoi veten si “paqebërës” dhe që zëdhënësi i tij tani e cilëson si “jashtëzakonisht të shqetësuar për situatën”, kush e di se me atë telefonatë drejtuar presidentit izraelit dhe Mbretit të Jordanisë, ai u përpoq të provojë veten.

Për të mos përmendur që lidhja me mbretin Abdullah të Jordanisë nga ana e Charles, por edhe e çiftit Ëilliam dhe Kate është shumë e fortë: princesha jetonte në Jordani si fëmijë, princat ishin në dasmën mbretërore të trashëgimtarit jordanez në qershor në Aman.

Duka i Edinburgut, Filipi, burri i Mbretëreshës Elizabeth, në vitin 1994 ishte Windsor-i i parë që vizitoi Izraelin për të nderuar nënën që kishte varrosur vite më parë në Malin e Ullinjve, ndërsa Intifada paraqiste shumë rreziqe për Londrën, me një mbret që ecte në një terren kaq delikat.

Përfshirë dhe Williamin gjithashtu, të cilit gjyshi i tij Philip i dha detyrën për të sjellë lule në varrin e nënës së tij Alice në vitin 2018.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.