.png)
Gazeta Si – Trajneri i Kombëtares U-21, Alban Bushi, publikoi sot listën me 24 lojtarët e grumbulluar për dy ndeshjet kualifikuese të Euro 2025 ndaj Finlandës dhe Malit të Zi. Në këtë listë bëjnë pjesë 10 lojtarë nga kampionati shqiptar, të tjerët vijnë nga jashtë.
Për herë të parë grumbullohen portieri Brajan Lenja nga skuadra e Luzit, mbrojtësi Brayan Boci nga Leko e Serisë B, mesfushori Enis Shabani nga Mainz 05 II dhe sulmuesi Dion Berisha nga Bajern II. Një ftesë ka marrë edhe Tim Civeja, i cili ka luajtur vetëm në miqësoren me Bullgarinë U-21.
Shqipëria U-21 ndeshet më 13 tetor me Finlandën (ora 17:00, Veritas Stadion, Turku), dhe më 17 me Malin e Zi (Arena Egnatia, ora 14:30).
Kuqezinjtë e vegjël bëjnë pjesë në Grupin E, bashkë me Rumaninë, Zvicrën, Finlandën, Malin e Zi dhe Armeninë. Ata mbajnë vendin e pare, pas fitoreve ndaj Armenisë dhe Rumanisë. Ekipi do të grumbullohet më 8 tetor në Durrës dhe më 11 tetor do të udhëtojë drejt Finlandës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
