.png)
Gazeta Si – Kombëtarja shqiptare e futbollit të femrave e ka nisur me një barazim edicionin e Ligës së Kombeve. Vajzat kuqezi nuk shkuan më shumë se 1-1 ndaj Hungarisë në stadiumin ‘Loro Bopriçi’.
Kombëtarja e drejtuar nga trajneri Armir Grima bën pjesë në Grupin 1 të Ligës B të Ligës së Kombeve, bashkë me Hungarinë dhe dy Irlandat.
Golin e Shqipërisë në ndeshjen e sotme e shënoi Qëndresa Krasniqi në minutën e 26-të. Hungaria arriti të barazonte çerek ore para fundit të kohës së rregullt me Evelin Fenyvesi.
Trajneri Armir Grima e nisi ndeshjen me këtë formacion: Rexhepi, Curraj, Maliqi, Elezaj, Krasniqi, Doçi, Bashka, Berisha, Gjini, Maksuti dhe Hila. Në pjesën e dytë u aktivizuan edhe Troka dhe Gjergji.
Ditën e martë vajzat kuqezi do të luajnë ndeshjen e dytë në grup ndaj Irlandës së Veriut, në Belfast.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
