Ish-kryeministri dhe lideri historik i Partisë Socialiste, Fatos Nano feston ditëlindjen të shtunën.
Ai lindi më 16 shtator 1952 në Tiranë dhe sot mbush 71 vjeç.
Nano po kalon ditë jo të lehta në spital, për shkak të komplikacioneve shëndetësore në mushkëri që kanë nisur që prej periudhës së Covid-19.
Prej 29 gushtit, ai ndodhet i shtruar në një spital privat në kryeqytet, por jashtë rrezikut për jetën.
Nano vuan nga një sëmundje Pulmonare Obstruktive Kronike e quajtur ndryshe si SPOK që prek mushkëritë.
Kryeministri Edi Rama e ka nderuar atë me medaljen e mirënjohjes publike.
Prej gati dy dekadash ai është shkëputur nga politika.
Nano ka qenë tre herë kryeministër i vendit dhe, kryetar i PS-së për 14 vjet.
Ai është i pari politikan që ka instaluar frymën e dorëheqjes, si nga posti i kryeministrit ashtu edhe drejtimi i partisë.
Nano është i pari politikan gjithashtu që reformoi Partinë e Punës duke i ndryshuar jo vetëm emrin nga Partia e Punës në Partia Socialiste e Shqipërisë, por duke e strukturuar atë së brendshmi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
