.png)
Gazeta Si – Nuk kishte asnjë dyshim që ai supergol i Jasir Asanit në ndeshjen me Poloninë do të ishte mes kandidatëve për çmimin e ‘Golit të raundit’. Një çmim që jepet nga UEFA dhe që zgjidhet me votim në faqen e saj zyrtare.
Në profilin “UEFA EURO 2024” ka nisur tashmë votimi për golin më të bukur. Rivalët e Asanit për këtë çmim janë Zhoao Feliks i Portugalisë, Trosard i Belgjikës dhe Samorodov i Kazakistanit.
Shanset janë të mëdha që Asani të shpallet fitues, sepse ka realizuar një gol vërtet të rrallë. Gjuajtja e tij ishte në një pozicion diagonal dhe ai i ka dhënë topit një trajektore perfekte, duke mposhtur edhe një nga portierët më të mirë në botë, siç është Shezni i Juventusit.
🇦🇱 Asani
— UEFA EURO 2024 (@EURO2024) September 12, 2023
🇵🇹 João Félix
🇧🇪 Trossard
🇰🇿 Samorodov
Who gets your vote for Goal of the Round? 🥇#EQGOTT | @AlipayPlus
Jasir Asani e ka fituar në qershor çmimin e ‘Golit të raundit’ për realizimin ndaj Moldavisë. Tani kërkon të bëjë ‘dopietë’. Po këtë çmim e ka fituar edhe Kristjan Asllani me golin e shënuar ndaj Ishujve Faroe, kurse goli i Nedim Bajramit në Pragë ka dalë në vend të dytë.
Vetëm në ndeshjen e parë kualifikuese ndaj Polonisë në Varshavë Shqipëria nuk ka pasur një gol kandidat për këtë çmim. Në atë ndeshje kuqezinjtë u mundën 1-0 dhe më pas shpërthyen me fitore dhe gola spektakolarë, që i kanë ngjitur në vendin e parë të grupit, me 10 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
