.png)
Gazeta Si – “Rusët janë sllavë. Ata janë të ndryshëm nga ne. Diskutimi është gjithmonë i vështirë dhe ka shkaktuar shumë keqkuptime në historinë tonë të përbashkët. Pavarësisht kësaj, ne kemi nevojë për ta dhe ata kanë nevojë për ne”. Kështu ka thënë Nicolas Sarkozy, ish-presidenti i Francës në një intervistë për gazetën “Le Figaro”.
Në intervistë, Sarkozy evokoi gjithashtu hipotezën e një referendumi për Krimenë “të organizuar nën kontrollin e rreptë të komunitetit ndërkombëtar”. Deklaratat e fundit që kanë ngjallur kritika të ashpra në Francë.
“Unë kam pasur tashmë mosmarrëveshje të thella me Vladimir Putinin, i kam marrë përgjegjësitë e mia në vitin 2008, kur isha presidenti aktual i Këshillit të BE-së”, tha ish-presidenti francez.
Ai tha për Putinin se, “e kisha bindur që të tërhiqte tanket e tij që ishin 25 kilometra nga Tbilisi. Por në të njëjtën kohë me Angela Merkelin kishim treguar se ishim në dijeni të vijave të kuqe të saj. Kjo është arsyeja pse ne kemi refuzuar anëtarësimin e Ukrainës dhe Gjeorgjisë në NATO, pavarësisht presionit të fortë amerikan. Ne nuk donim që Putini të rrëshqiste në paranojën antiperëndimore që ka tunduar prej kohësh liderët rusë. Kompleksi i rrethimit të Kremlinit është një histori e vjetër. Putini e kishte gabim. Ajo që ai ka bërë është serioze dhe rezulton një dështim. Por edhe pse ka pushtuar territore, duhet të vazhdojmë përpara dhe të gjejmë një rrugëdalje. Rusia është një fqinj i Evropës dhe do të mbetet e tillë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
