Të gjitha gabimet që bëjmë me ushqimet e ngrira dhe kur ato mund të shkrihen dy herë

Produkti i shkrirë mund të ngrihet sërish vetëm nëse është gatuar më parë. Është e mundur të shkrihet, të gatuhet dhe të ngrihet sërish një produkt; ndërkohë që është absolutisht e gabuar të shkrihet dhe ngrihet pa u gatuar produkti.

Çështja është delikate dhe mendimet janë shpesh kontradiktore. Le të jemi të qartë: është e mundur të shkrihet, të gatuhet dhe të ngrihet përsëri një produkt, sipas ekspertëve të njohur të shëndetit në Itali.

Ndërkohë, është absolutisht e gabuar të shkrihet dhe ngrihet pa u gatuar produkti. Pse?

Sepse ekziston rreziku i rritjes së rrezikut të kontaminimit nga bakteret ose viruset që ishin të pranishme fillimisht në ushqimin e papërpunuar.

Ngrirja e ushqimit në -18 gradë shkakton ndalimin e rritjes së mikrobeve, por nuk eliminon bakteret apo viruset. Me shkrirjen, bakteret e pranishme mund të rifitojnë vitalitetin e tyre dhe, nëse kushtet e motit dhe të temperaturës e lejojnë, ato mund të shumohen në mënyrë eksponenciale aq sa mund të arrijnë në sasi të dëmshme për shëndetin.

Me gatimin, shumica e mikroorganizmave që mund të jenë të pranishëm çaktivizohen.

Ndaj dhe ushqimi i gatuar i përgatitur me lëndë të parë të shkrirë mund të ngrihet përsëri.

Ushqimet e ngrira thellë ose të ngrira industrialisht duhet të shkrihen duke ndjekur udhëzimet në etiketë.

Në shtëpi, rekomandohet shkrirja e ushqimit në frigorifer, në furrë me mikrovalë (duke lënë një hapësirë prej rreth 5 cm midis ushqimit dhe mureve për të lejuar që nxehtësia të qarkullojë.

Nga ana tjetër, nuk këshillohet shkrirja e ushqimit direkt në ujë (për shkak të humbjes së mundshme të lëndëve ushqyese), as lënia e tij në temperaturë ambienti jashtë frigoriferit, për shkak të rrezikut të kontaminimit dhe rritjes së baktereve.

Si përfundim, duke ndjekur këto disa rregulla bazë, ne do të jemi në gjendje të konsumojmë ushqime më të shëndetshme dhe më të sigurta.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.