‘Barbie’, në rrugën e duhur për t’u bërë filmi me fitimin më të madh të vitit

Filmi “Barbie” ka thyer rekorde të shumta që nga premiera e tij më 21 korrik dhe është afër të thyejë një tjetër rekord.

Pas “The Super Mario Bros. Movie” me rreth 48 milionë dollarë, filmi “Barbie” i shkrimtares-regjisores, Greta Gerwig duket i destinuar të fitojë vendin e parë për filmin vendas amerikan, me fitimin më të madh të vitit 2023.

“’Barbie’ fitoi 155 milionë dollarë në vend në fundjavën e hapjes dhe javën e kaluar iu bashkua klubit prej 1 miliardë dollarësh në shitjet globale të arkës – një arritje e arritur vetëm nga rreth 50 filma në histori, të përshtatura për inflacionin”, thotë Paul Dergarabedian, analist i lartë i medias.

Ndërsa “Pink Fever” ka pasur një ngadalësim së fundmi, “Barbie” vlerësohet të ketë fituar 33.7 milionë dollarë këtë fundjavë për të ruajtur bastionin e saj në kinema.

Komedia për kukullën ikonë vlerësohet të ketë arritur në 525 milionë dollarë në Amerikë dhe gati 1.2 miliardë dollarë në mbarë botën.

“Barbie” arriti 10 milionë dollarë vetëm të premten, duke fituar mesatarisht mbi 11.3 milionë dollarë në ditë nga data 5 deri më 11 gusht.

Po ashtu, “Barbie” kaloi shifrën e 500 milionë dollarëve në vend në mes të javës së tretë, ndërsa “The Super Mario Bros. Movie” iu deshën më shumë se pesë javë për të arritur momentin historik.

Publikimi i kombinuar i “Barbie” dhe “Oppenheimer”, i quajtur “Barbenheimer”, është bërë një sensacion i kulturës pop dhe që mund të ringjallë industrinë e vështirë të kinemasë.

Së bashku, “Barbenheimer” ishte fundjava e katërt me fitimin më të lartë të industrisë së të gjitha kohërave në Amerikën e Veriut, me një total prej 302 milionë dollarësh.

Shumica e filmave me fitim të lartë shpesh përfshijnë skena të përpunuara aksioni dhe efekte speciale, ndryshe nga “Barbenheimer”.

“Unë kam qenë në këtë lojë për 30 vjet dhe fenomeni ‘Barbie’ dhe ‘Barbenheimer’ është sa i paprecedentë aq edhe i paparashikueshëm”, tha Dergarabedian.

Ai shtoi se fushata e marketingut të filmit ishte aludimi i parë që “Barbie” do të ishte një goditje për arkat.

“Fushata e marketingut për ‘Barbie’ vuri në lëvizje një zinxhir ngjarjesh që çuan në shtimin e fjalës ‘Barbenheimer’ në leksikun popullor për shkak të datës së përbashkët të publikimit me ‘Oppenheimer’ dhe atëherë ne të gjithë dinim diçka shumë të veçantë dhe unike që do të krijonte një rezultat shumë më të madh se sa pritej për filmin jo vetëm për fundjavën e hapjes, por për shfaqjen e tij globale në kinema”, tha Dergarabedian. /CNN/

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.