.png)
Ambasadori i Maqedonisë së Veriut në Tokio, Goran Çekov është tërhequr nga detyra, konfirmoi të shtunën Ministria e Punëve të Jashtme në Shkup.
Jozyrtarisht, sipas mediave maqedonase, arsyeja e tërheqjes së ambasadorit Çekov nga Japonia janë akuzat e dy grave me të cilat ka bashkëpunuar për ngacmim seksual.
Ambasadori i Maqedonisë së Veriut në Japoni është tërhequr me propozim të Ministrisë së Punëve të Jashtme “për shkak të rezultateve jo të kënaqshme dhe gjërave që dëmtojnë interesat e shtetit”.
Presidenti Stevo Pendarovski nënshkroi dekretin për tërheqjen dhe ambasadori Çekov ka pesë ditë kohë për t’u kthyer në Shkup, njoftojne mediat maqedonase.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
