Gazeta Si – Kombëtarja shqiptare do të luajë një ndeshje miqësore me Bullgarinë më 17 tetor. Nga FSHF nuk ka asnjë njoftim në fakt, por lajmi konfirmohet nga Federata Bullgare e Futbollit, që ka zyrtarizuar miqësoret në program, një nga të cilat me kuqezinjtë.
🇧🇬 Мъжкият национален отбор на България ще срещне Иран и Албания в приятелски двубои през есента pic.twitter.com/CjUplyYEmz
— Team Bulgaria (@Team_Bulgaria) July 20, 2023
Ndeshja në fjalë do të luhet në stadiumin ‘Air Albania’ dhe trajneri Silvinjo do të ketë mundësi të testojë të tijtë, kryesisht lojtarët e stolit, pak ditë pas ndeshjes me Çekinë, e vlefshme për kualifikueset e Euro 2024.
E gjithë vëmendja aktualisht është te dy ndeshjet e radhës, që zhvillohen në muajin shtator. Shqipëria shkon së pari në Çeki dhe më pas pret Poloninë në Tiranë. Janë dy ndeshjet që vendosin për kualifikimin e mundshëm ose jo në Europian. Kuqezinjtë mbajnë vendin e dytë në grup, me 6 pikë pas 3 ndeshjeve të para.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
