.png)
Gazeta Si – Bashkëpunimi ndërmjet Rusisë dhe Iranit ka bërë një hap përpara në Elabuga, në provincën e Tatarstanit, 900 kilometra larg Moskës, ku Shtetet e Bashkuara besojnë se prodhimi i dronëve të nisur në territorin rus së bashku me Republikën Islamike pas vendosjes së sanksioneve, është përqendruar te perëndimorët.
Këtu, ushtria e Vladimir Putinit thuhet se ka konvertuar një fabrikë të avionëve pa pilot për sektorin bujqësor, “Albatross”, për qëllime ushtarake, duke e shndërruar atë në qendër të bashkëpunimit teknologjik me Teheranin edhe për arsye “gjeografike”: qyteti i Elabuga-s ndodhet në brigjet e Kamës, një degë e Vollgës dhe kjo bën të mundur transportimin e pjesëve me anije nga Deti Kaspik pa tërhequr vëmendjen.
Ndërtimi i një fabrike dronësh në Rusi ishte vendosur që në fillim të bashkëpunimit me Iranin verën e kaluar, nëse do të ishte e nevojshme.
Në janar, një delegacion iranian kishte vizituar uzinat e Elabugës. Në muajt e fundit, një hetim i “Financial Times” ka zbuluar tani që aktiviteti i fabrikës Albatross do të ishte rritur ndjeshëm, ku janë punësuar inxhinierë të specializuar dhe gjithashtu janë publikuar shpallje të shumta për vende pune, veçanërisht për njerëz të aftë për të përkthyer dokumente teknikë.
Sipas asaj që u deklarua në mediat ruse, Albatross ka dorëzuar tashmë 50 dronë M5 në Ministrinë Ruse të Mbrojtjes – pra jo Shahed i përdorur gjerësisht në Ukrainë – që do të korrespondonin me mjetet që janë parë tashmë në fushën e betejës në Donbass.
Ishte bashkëthemeluesi i Albatross, Ilya Voronkov, i cili pranoi në intervista se ai furnizon ushtrinë ruse: 70% e komponentëve të dronëve të tij, tha ai, janë prodhuar në Rusi, ndërsa pjesa tjetër – përfshirë motorin – vjen nga Kina.
Sipas inteligjencës ukrainase, për momentin shumica e dronëve kamikazë iranianë të përdorura, janë prodhuar në Iran dhe shpërndarë pikërisht përmes Detit Kaspik.
Megjithatë, materialet për ndërtimin e uzinës do të vinin gjithashtu nga këtu, pretendojnë në Uashington dhe Kremlini do të synonte të prodhonte midis 100 dhe 150 avionë në muaj, pasi fabrika të jetë plotësisht funksionale.
Programi i dronëve të Iranit u zhvillua në vitet 1990 dhe është rritur në mënyrë të qëndrueshme që atëherë.
Sot ai bazohet në teknologji të sofistikuar dhe lejon krijimin e produkteve që nuk janë tepër të shtrenjta, por të afta për të fluturuar mjaft larg: ato fluturojnë me 185 kilometra në orë dhe kanë një distancë prej 1800 kilometrash.
Ai me Rusinë është një bashkëpunim i mirë-dokumentuar, i cili filloi verën e kaluar, i mohuar gjithashtu nga Teherani: në qershor, edhe një herë, ministri i Jashtëm iranian, Nasser Kanaani mohoi që Republika Islamike të furnizonte me armë të dyja palët.
Megjithatë, dronët iranianë kanë luajtur një rol kyç në fushatën terroriste të Putinit në Ukrainë.
Teherani ka mbajtur një qëndrim mohues. Ai i ka shitur Rusisë qindra dronë të tipit Shahed (131 dhe 136) dhe Mojaher 6 në versione të ndryshme, duke u dhënë rusëve mundësinë t’i lëshojnë ato kundër qyteteve ukrainase paralelisht me raketat.
Ato janë mjete të thjeshta që i shërbejnë qëllimit të tyre, megjithatë, shkaktojnë dëme dhe përfshijnë mbrojtje të mirë.
Përveç mjeteve, Republika Islamike ka mobilizuar instruktorë dhe “teknikë”: disa prej tyre, siç kishte deklaruar qeveria ukrainase në nëntor, janë vrarë në Krime.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje