.png)
Erdhi dhe një fundjavë e re dhe Netflix na vë përpara propozime të panumërta çdo javë. Por zgjedhja e një seriali nuk është aq e thjeshtë, sidomos nëse keni shije të ndryshme. Këtu janë disa këshilla të dobishme për t’ju ndihmuar të zgjidhni cilin serial do të shikoni në këtë fundjavë të re të korrikut 2023.
Këtë fundjavë ka shumë publikime të reja të Netflix-it që nuk mungojnë, nga seriali dokumentar për Vittorio Emanuele të Savojës, “Il Principe” deri te sezoni i dytë i dramës ligjore të frymëzuar nga romanet e Michael Connelly, “The Lincoln Lawyer” e deri te filmi i ri i animuar i Netflix që me të vërtetë po i pushton të gjithë, “Nimona”.
Nëse jeni gati të zhyteni në më të mirat e Netflix këtë fundjavë, këtu janë historitë imagjinare më interesante për t’u shijuar.
“Il Principe” pse është një serial dokumentar shumë interesant
Një princ në mërgim, një supermodele, një goditje në errësirë që do të ndryshojë jetën e kaq shumë njerëzve, brez pas brezi. “Il Principe” është një serial dokumentar në tri episode i cili, duke u nisur nga ngjarjet e ndodhura në natën tragjike të 18 gushtit 1978 në ishullin Cavallo, rishikon historinë e Vittorio Emanuele të Savojës, trashëgimtarit të fundit të fronit të Italisë.
Megjithëse historia gjyqësore e vrasjes së të riut Dirk Hamer është qendrore në jetën e princit dhe rrjedhimisht në serialin dokumentar, episod pas episodi del prej tij një histori më intime: marrëdhënia e tij e munduar me prindërit, historia e dashurisë me Marina Doria, vitet e punës në Iran, skandalet dhe shumë të tjera. Një serial që s’duhet humbur për të zbuluar më mirë historinë dhe personalitetin e trashëgimtarit të fronit italian, Vittorio Emanuele.
“The Lincoln Lawyer 2”, nëse po kërkoni diçka për të parë pa shumë mendime
Idealisti dhe antikonformisti Mickey Haller (Manuel Garcia-Rulfo) kthehet në drejtimin e firmës së tij ligjore në Lincoln-in e tij, pas rasteve të mëdha e të vogla në qytetin e përhapur të Los Anxhelosit në sezonin e ri të “The Lincoln Lawyer”. Bazuar në librat bestseller të shkrimtarit të famshëm, Michael Connelly, sezoni i dytë i kësaj drame ligjore bazohet në “The Fifth Witness”, dhe është gati të shohë Mickey duke u përballur me një klient shumë të veçantë.
“Nimona”, pse është një animacion i bukur
Kur Ballister Hardhearted (Riz Ahmed), kalorësi i një bote futuriste mesjetare, inkuadrohet në mënyrë të rreme për një krim që nuk e ka kryer, i vetmi person që mund ta ndihmojë atë të provojë pafajësinë e tij është Nimona (Chlow Grace Moretz), adoleshente e djallëzuar që e do kaosin dhe një nga krijesat që ndryshojnë formën që vetë luftëtari është trajnuar të shkatërrojë.
Por me gjithë mbretërinë kundër tij, Nimona është aleati më i mirë (ose ndoshta i vetmi) i Ballisterit. Dhe ndërsa rolet midis heronjve, zuzarëve dhe përbindëshave fillojnë të mjegullohen, dy protagonistët janë të vendosur të bëjnë kërdinë: Ballister të provojë njëherë e përgjithmonë pafajësinë e tij dhe Nimona të bëjë kërdinë.
Drejtuar nga Nick Bruno dhe Troy Quane, Nimona është një aventurë epike rreth gjetjes së miqësisë në situatat më të pamundshme dhe pranimit të vetes dhe të tjerëve ashtu siç jemi. Bazuar në novelën grafike, kandidate e “National Book Award” dhe bestselleri i New York Times nga ND Stevenson.
“Run Rabbit Run” nëse ju pëlqejnë thrillerët psikologjikë
Dhe nëse jeni ndër të paktët që nuk e keni parë ende, duke qenë se është filmi më i njohur i Netflix për momentin, atëherë nuk mund të humbisni “Run Rabbit Run”, veçanërisht nëse i doni trillerët psikologjikë. Sarah është një specialiste e fertilitetit dhe ka një kuptim të thellë të ciklit të jetës. Por, kur ajo detyrohet të kuptojë sjelljen gjithnjë e më të çrregullt të së bijës, ajo duhet të vërë në dyshim bindjet e saj dhe të luftojë me fantazmat e së kaluarës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
