.png)
Gazeta Si – Një ushtar izraelit u vra, pasi u qëllua në qytetin Jenin të Bregut Perëndimor, ndërsa ushtria po fillonte të tërhiqej nga zona.
Sipas “Times of Israel”, Forcat e Mbrojtjes së Izraelit thanë se viktima, një nënoficer nga njësia elitare komando Egoz, u transportua në vendngjarje përpara se të dërgohej në një spital në Izrael, ku më vonë vdiq.
Pastaj pati më shumë përleshje mes personave të armatosur palestinezë dhe trupave izraelite.
Zëdhënësi i Forcave të Mbrojtjes të Izraelit, kundëradmirali Daniel Hagari, tha se ushtari u qëllua teksa siguronte fillimin e tërheqjes ushtarake.
Ushtria po përpiqet të kuptojë nëse nënoficeri u vra nga të shtënat palestineze apo nga “zjarri miqësor” nga forcat e tjera izraelite në zonë.
Gjatë natës pati më shumë përleshje sporadike mes personave të armatosur palestinezë dhe trupave izraelite. Tërheqja përfundoi në mëngjes.
Ndërkohë, në jug tashmë është hapur një front i ri: të paktën 5 raketa janë lëshuar nga Rripi i Gazës drejt territorit izraelit.
Pajisja e mbrojtjes ajrore IDF (Forca e Mbrojtjes së Izraelit), i ka kapur dhe neutralizuar raketat.
Por kundërsulmi i Izraelit u regjistrua në mbrëmje: ushtria konfirmoi se kreu sulme ajrore në Rripin dhe bombardoi Gazën në përgjigje të raketave të lëshuara nga enklava bregdetare palestineze.
Sipas një burimi palestinez të sigurisë, një objekt ushtarak i Hamasit në Gazën veriore do të ishte goditur, por pa shkaktuar asnjë lëndim.
Mediat palestineze raportuan sulme ajrore pranë al-Baydar, në perëndim të qytetit të Gazës, dhe në Beit Lahiyeh, në Rripin verior.
Pas fillimit të operacionit izraelit, udhëheqja palestineze njoftoi ndërprerjen e të gjitha kontakteve me Izraelin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
