Surovikin edhe më shumë në telashe, ishte një anëtar i fshehtë i Wagner?

Gazeta Si – Dyshimet për Sergei Surovikin janë të pandërprera, nga shumë anë dhe duhen marrë me kujdes.

Nga burimet më të fundit, pretendohet se gjenerali i lartë ka qenë anëtar i fshehtë “VIP” i Grupit Wagner.

Qendra hetimore ruse “Dossier Center”, e zbuloi lajmin për televizionin CNN. Dokumentet e dhëna transmetuesit, tregojnë praninë e gjeneralit, të identifikuar me një lloj numri serial, së bashku me një grup prej 30 oficerësh.

Një bërthamë me dy “kapele” dhe një besnikëri të dyfishtë: nga njëra anë ushtria, nga ana tjetër kompania e sigurimit.

Një pakujdesi për të shtyrë gjithnjë e më shumë Surovikin përkrah Prigozhin: jo vetëm një mik i mirë, i lidhur nga një mirëkuptim i madh, por një pjesë integrale e sistemit të drejtuar nga “kuzhinieri”.

Dhe kjo mund të nxisë dyshimet për pjesëmarrje aktive në kryengritje. Prandaj dyshohet se oficeri i lartë mbahet në një rezidencë në pritje të hetuesve për të përfunduar hetimin ndaj tij dhe anëtarëve të tjerë të “komplotit”.

Megjithatë, për momentin nuk ka asnjë konfirmim për ndalimin dhe vajza e tij e ka mohuar duke argumentuar se “gjithçka është në rregull”.

Fati i Surovikin u shpreh nga ai që zakonisht nuk është shumë llafazan, kreu i inteligjencës ushtarake ukrainase Budanov.

Në një intervistë për faqen e internetit të Zonës së Luftës, ai nënvizoi pesë pika:

1) Edhe ne dinim për projektet e Prigozhin-it falë informacionit të mbledhur nga burime “njerëzore”. Spiunë të vërtetë dhe jo përgjime.

2) Nuk kemi të dhëna të sakta për gjeneralin. 3) Shërbimi sekret rus është gati ta nxjerrë jashtë, por kjo do të vijë në momentin e duhur.

4) Nuk kemi frikë se Wagner do të hapë një front në Bjellorusi, prania e tyre eventuale do të jetë logjistike.

5) Mercenarët ishin kundërshtari më i frikshëm, sepse ishin më të përgatitur se ushtarët e rregullt.

Në kundërshtimin e tij, Prigozhin mund të ketë kërkuar hapësirat te oficerët e mënjanuar ose të zvogëluar në karrierën e tyre.

Shefi i kuzhinës – shkruan Mikhail Komin – shumë përpara kryengritjes donte të zëvendësonte ministrin Shoigu me Mikhail Mizintsev, i njohur si xhelati i Mariupolit dhe me poste të rëndësishme në sistem, ndërsa Surovikin duhej të kishte zënë vendin e shefit të shtabit, Gerasimov.

Vetëm Mizintsev u rrëzua nga froni, u dëbua nga mbrojtja dhe u zhvendos në radhët e Wagner. Nuk ka dyshim se për shkak të rolit të tij të kaluar në hierarki, ai ka ruajtur njëfarë ndikimi dhe kontakte.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.