Nga Gazeta ‘Si’-Në vitin 2022 eksportet e mallrave arritën vlerën e 487 miliardë lekëve, duke u rritur me 32% krahasuar me një vit më parë. Ndërsa importet arritën vlerën 950 mld lekë, rritje me 18.7% krahasuar me vitin 2021.
Gjatë vitit 2022, deficiti tregtar është përkeqësuar duke u rritur 7.3% krahasuar me një vit më parë.
Eksportet në vendet e BE u rritën me 34.1% krahasuar me vitin 2021. Ndërsa pesha e importeve nga vendet e BE është 51.6% të importeve të mallrave, duke arritur vlerën 490 miliard lekë. Importet nga këto vende u rritën me 12.7%, krahasuar me vitin 2021.
Italia, partneri kryesor për eksportet
Në vitin 2022 partneri ynë kryesor për eksportet dhe importet vazhdon të jetë Italia. Vlera e eksporteve drejt Italisë është 210 miliard lekë, duke u rritur 35.1% krahasuar me vitin 2021. Ndërsa vlera e importeve nga Italia 206 miliard lekë, duke u rritur 5.9% krahasuar me një vit më parë.
Ndërsa partnerët kryesorë për importet janë: Italia (21.7 %), duke u rritur me 5.9%, Turqia (12.1 %), duke u rritur 33.1 %, Kina (8.2 %), duke u rritur 18.8 % krahasuar me vitin 2021.
Numri i ndërmarrjeve eksportuese u rrit me 13.2%
Numri i ndërmarrjeve eksportuese në vitin 2021 është 3.604, duke u rritur me 13.2% krahasuar me vitin 2021. Ndërsa numri i ndërmarrjeve importuese është 13.137 ndërmarrje, duke u rritur me 8.5% krahasuar me vitin 2021.
Vitin e shkuar më shumë se gjysmën e eksporteve e kryejnë 100 ndërmarrjet më të mëdha (61%), ndërsa më shumë se gjysmën e importeve e kryejnë 200 ndërmarrjet më të mëdha (55%).
Në 2022-shin dominojnë ndërmarrjet që eksportojnë drejt 3-5 vendi partnere. Ato kryejnë 29%, të vlerës së eksporteve, ndjekur nga ndërmarrjet që eksportojnë drejt 1 vendi partner (25%).
Vitin e kaluar dominojnë ndërmarrjet që importojnë nga 10 ose më shumë vende partnere. Këto ndërmarrje kryejnë 55% vlerës së importeve, ndjekur nga ndërmarrjet që importojnë nga 6-9 vende partnere (16% ).
“Mallra të përpunuara” grupi më i eksportuar
Vitin e shkuar më të eksportuara janë grupet e produkteve: “Mallra të përpunuara” me 55.6%, duke u rritur me 24.5%, “Lëndët djegëse” me 17% duke u rritur me 64.3%, “Ushqime dhe kafshë të gjalla” me 8.4% të eksporteve, duke u rritur me 15.2% dhe “Makineri dhe pajisje transporti” me 8.1%, duke u rritur me 37.5% krahasuar me vitin 2021.
Grup produktet që dominojnë importin për vitin 2022 janë: “Mallra të përpunuara” me 35.1%, duke u rritur me 19.2%, “Makineri dhe pajisje transporti” me 19.5%, duke u rritur me 10.3% dhe “Lëndët djegëse” me 17.3%, duke u rritur 63.7% krahasuar me vitin 2021.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
