Një vështrim i parë në serialet më të shumëpritura të Netflix në korrik

Edhe pse duhen edhe disa ditë që të vijë korriku, ne kemi vendosur të mbajmë një sy në titujt e rinj dhe premtues të Netflix që do të nisin një muaj të ri serialesh. Cilat do të jenë historitë që do të na shoqërojnë në mbrëmjet televizive muajin e ardhshëm? Çfarë duhet të presim nga ky korrik për sa u përket serialeve televizive?

Tashmë presim që muajin e ardhshëm të ketë shumë risi dhe të dalin disa nga serialet më të pritura të vitit. Le të fillojmë me publikimin e sezonit të dytë të “The Lincoln Lawyer” dhe më pas të kalojmë në debutimin e filmit “Bird Box Barcelona” vazhdimi i filmit artistik me Sandra Bullock dhe më në fund vjen sezoni i tretë i “Sweet Magnolias”.

The Lincoln Lawyer 2

Mickey Haller idealist dhe antikonformist (Manuel Garcia-Rulfo) rikthehet në Netflix me sezonin e dytë të serialit që e sheh atë të drejtojë një firmë ligjore nga sedilja e pasme e Lincoln-it të tij, pas rasteve të mëdha e të vogla në qytetin e përhapur të Los Anxhelosit. Bazuar në bestsellerët e shkrimtarit të mirënjohur Michael Connelly, sezoni i dytë bazohet në “The Fifth Witness”.

Kasti i “The Lincoln Lawyer” përfshin gjithashtu Neve Campbell, Becki Newton, Jazz Raycole dhe Angus Sampson. Seriali u përshtat për ekran nga David E Kelley dhe u zhvillua për televizion nga Ted Humphrey, së bashku me Dailyn Rodriguez. Connelly është producent ekzekutiv dhe shkrimtar i serialit.

Bird Box: Barcellona

Le të kalojmë te publikimi tjetër më i pritur i Netflix i korrikut 2023, filmi “Bird Box: Barcelona”. Nga krijuesit e fenomenit global Bird Box vjen projekti “Bird Box: Barcelona”, një zgjerim i universit që magjepsi audiencën në 2018-n.

Kur një forcë misterioze shkatërron popullsinë e botës, Sebastiani duhet të nisë një rrugë mbijetese nëpër rrugët e shkreta të Barcelonës. Ndërsa ai formon aleanca të vështira me të mbijetuarit e tjerë dhe niset për në një strehë, një kërcënim shfaqet shumë më i keq se krijesat që janë parë ndonjëherë.

Sweet Magnolias 3

Ndër publikimet e tjera për t’u mbajtur në sy në korrik 2023, për sa i përket serialeve televizive, është sezoni i tretë i “Sweet Magnolias”. Historia është ajo e tri mikeshave shumë të mira (Maddie, Helen dhe Dana Sue) të lindura dhe rritura në Karolinën e Jugut në Serenity, një qytet i vogël në jug të SHBA ku të gjithë e njohin njëri-tjetrin dhe dinë gjithçka për të gjithë. Në këtë sezon të tretë ne shohim Maddie e cila, pas luftës në Sullivan’s, kërkon mënyrën më të mirë për të ndihmuar Calin, ndërsa përpiqet të mbajë emocionet e saj.

Helen përballet me vendime të vështira për burrat në jetën e saj dhe Dana Sue dëshiron të përdorë trashëgiminë e Miss Frances për të ndihmuar komunitetin, pa e mërzitur familjen. Identiteti i personit që preu gomat trondit qytetin e Serenity. Votimi i ri ka pasoja të papritura dhe dashuritë befasuese lulëzojnë në çdo brez.

Gjatë sezonit, gratë u drejtohen këtyre çështjeve dhe komplikimeve të lidhura me dashurinë, humorin dhe përkushtimin e tyre karakteristik për njëra-tjetrën dhe të dashurit e tyre… /Today.it/

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.