.png)
Gazeta Si – Joe Biden e bën sërish! Gafat e presidentit amerikan në takime pritjeje apo ceremoni zyrtare me politikanë apo homologë ndërkombtarë, jnë bërë të zakonshme.
E radhës ishte pritja dhe përshëndetja që i bëri kryeministrit indian Narendra Modi në Shtëpinë e Bardhë mbrëmjen e shkuar.
Dy liderët botërorë, pas përshëndetjeve dhe fjalimeve të tyre, qëndruan në vëmendje të kamerave për himnet e tyre kombëtare.
Oh Joe! Biden, alongside India's PM Modi, slowly lowers his hand from his heart after realising they're playing the Indian national anthem first. 🤣🤣🤣 pic.twitter.com/lsORUaWbS0
— David Vance (@DVATW) June 22, 2023
Siç është rregull me himnin kombëtar indian, duart duhet të jenë plotësisht të drejta, paralele me njëra-tjetrën, por amerikanët e mbajnë dorën e djathtë në zemër kur luhet himni i tyre.
Por ajo që Biden nuk e kuptoi, është se himni kombëtar indian do të luhej i pari para himnit të SHBA.
Kështu ai vuri dorën e djathtë në zemër, ndërsa kryeministri Modi qëndronte në vëmendje të plotë pranë tij.
Me të kuptuar gabimin e tij, Biden ngadalë uli dorën, pasi kuptoi se ishte himni kombëtar indian dhe jo ai amerikan.
Momenti gazmor është kapur nga mijëra kamera, teksa mediat botërore pasqyruan ngjarjen në Shtëpinë e Bardhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
