Gazeta Si – Një tjetër mungesë e rëndësishme është shtuar për trajnerin e Kombëtares, Silvinjo. Mbrojtësi i djathtë, Ivan Balliu, nuk do të jetë në dispozicion të tij për ndeshjet e radhës me Moldavinë dhe Ishujt Faroe. Ai do të zëvendësohet nga Naser Aliji.
FSHF bën me dije se mbrojtësi Balliu nuk do të jetë i gatshëm për shkak dëmtimi. Ai u është nënshtruar vizitave mjekësore pas ndeshjes së fundit në La Liga me Rajo Vallekanon për një problem në tendinë. Stafi mjekësor i Kombëtares ka qenë në kontakt me klubin spanjoll dhe pas konsultave është konfirmuar mungesa e Balliut në ndeshjet e qershorit.
Trajneri Silvinjo ka vendosur të grumbullojë Naser Alijin, që luan në krahun e majtë dhe kjo do të thotë se në të djathtë do të kthehet Hysaj. Balliu është mungesë me peshë, pas atyre të Brojës, Kumbullës dhe Gjasulës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
