Tatimi i mishit të kuq për të kompensuar koston sociale të sëmundjeve të shkaktuara nga konsumi i tij dhe për të reduktuar vetë konsumin. Kjo del nga një kërkim i Universitetit të Oksfordit, Angli, i publikuar në revistën “Plos ONE”.
Studimi supozon se konsumi i tepërt i mishit të kuq mund të çojë në kancer, sëmundje të zemrës dhe diabetit. Trajtimi i këtyre sëmundjeve përfaqëson një kosto për shoqërinë.
Një tarifë do të kompensojë këto kosto sociale dhe do të reduktojë konsumin. Hulumtimet mbështesin se sëmundjet që lidhen me mishin e kuq, kushtojnë 285 miliardë dollarë në vit në mbarë botën. Kështu, është propozuar një taksë 20% mbi mishin e papërpunuar dhe 110% ndaj atij të përpunuar (të tilla si salçiçe dhe proshutë).
Masa do të sillte 170.000.000.000 $ në vit në mbarë botën dhe do të kursente 41 miliardë dollarë në vit sa i takon kujdesit mjekësor: në praktikë, kjo do të eliminojë apo do të kompensojë 70% të kostove të kujdesit shëndetësor për shkak të mishit të kuq dhe do të shmangë 220,000 vdekje në vit.
Konsumi mesatar i mishit do të reduktohet në dy porcione në javë: aktualisht, mesatarja në vendet e pasura është një porcion në ditë. Konsumi i mishit të kuq të përpunuar do të ulej me 16%.
Organizata Botërore e Shëndetësisë ka deklaruar në 2015 se mishi i kuq është kancerogjen dhe se ai i kuq i përpunuar është potencialisht kancerogjen. Shtatorin e kaluar, Asambleja e OKB-së miratoi një dokument, që deklaron se nuk ka “ushqime të shëndetshme”, por “një dietë të shëndetshme”.
Në nëntor, megjithatë, shtatë vende (përfshirë Francën) kanë futur një projekt-rezolutë të OKB-së, se “nxit shtetet anëtare të miratojnë politika fiskale dhe rregullatore” drejt “ushqimeve dhe pijeve jot ë shëndetshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
