.png)
Nga Gazeta Si - Katër episodet e “Mbretëreshës Kleopatra” do të rikthejnë jetën dhe mbi të gjitha mbretërimin e një prej figurave historike më të famshme të Egjiptit të lashtë. Sovrania e fundit e dinastisë Ptolemeike, Kleopatra është bërë sinonim i bukurisë dhe joshjes, por ta reduktosh atë në një magjistare të huazuar në fron do të ishte një falsifikim historik kolosal. Dokumentarët, të prodhuar dhe të transmetuar nga vetë Jada Pinkett Smith, janë pjesë e një projekti më të madh të quajtur “Mbretëreshat Afrikane”, një cikël miniserialesh që do të eksplorojnë dhe manifestojnë trashëgiminë e mbretëreshave më të mëdha të kontinentit afrikan. Kapitulli kushtuar Kleopatrës do të jetë i disponueshëm për t’u transmetuar në Netflix nga 10 maji.
“Mbretëresha Kleopatra”, komploti
Mbretërimi i Kleopatrës formësoi historinë egjiptiane për 21 vjet, nga viti 51 deri në 30 para Krishtit, dhe përfundoi me vetëvrasjen e sundimtares. Përveç bukurisë së saj të njohur dhe dy cilësive bindëse, Kleopatra ishte një regjente largpamëse, e mprehtë dhe e vendosur, aq sa mundi të krijonte një marrëdhënie solide diplomatike me Perandorinë Romake, edhe falë kontakteve të saj me Jul Cezarin dhe Mark Antoni. Seriali do të rikthejë historinë e saj përmes rikonstruksioneve me aktorë, por edhe me ndërhyrje të drejtpërdrejta të studiuesve të sektorit dhe me zërin narrativ të Jada Pinkett Smith.
“Mbretëresha Kleopatra”, aktorët
Tina Gharavi dhe Victoria Adeola Thomas do të jenë regjisorët e serialit, ndërsa në kastin (shumë të diskutuar) do të jenë Adele James në rolin e Kleopatrës dhe Craig Russell në rolin e Mark Antony. Me ta do të bashkëveprojnë edhe Nada El Belkasmi dhe Sami Fekkak.
Polemika
Fokusi i serialit, i cili është manifestimi dhe rizbulimi historik i mbretëreshave të nënvlerësuara të Afrikës, u mënjanua plotësisht pas një polemike të nxehtë që rrethonte kastin e Kleopatrës. Ajo e luajtur nga Adele James është në fakt një Kleopatra e zezë, e cila bëri që një pjesë e madhe e publikut të mundshëm të tërbohej. Ikonografikisht, Kleopatra është padyshim e ndikuar nga aktoret e mëparshme që e sollën në ekranin e madh, një mbi të gjitha Liz Taylor.
Çfarë duhet të shikoni pas “Mbretëreshës Kleopatra”
Për të mbështetur Kleopatrën me një tjetër sovrane pothuajse po aq të diskutueshme, Netflix vë në dispozicion “Queen Charlotte: A Bridgerton Story”, një spinoff i serialit të dashur të kostumeve me Lady Whistledown, ndërsa nga 13 maji do të jetë gjithashtu i disponueshëm në MGM+ sezoni i tretë i “The Great”, kushtuar jetës së trilluar të Katerinës së Madhe. Për një hap përpara në histori pa humbur kontributet themelore të femrave, “The Good Mothers” është në dispozicion në Disney+, frymëzuar nga kronika e grave që luftojnë kundër “Ndrangheta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
