Gazeta Si – Trajneri i Kombëtares shqiptare, Silvinjo, sipas një njoftimi të FSHF-së, prej disa ditësh po udhëton nëpër Europë për të parë nga afër lojtarët kuqezi dhe për t’u takuar me ta. Ai ndoqi javën e kaluar Enea Mihajn në Portugali, në ndeshjen ndaj Portos.
Braziliani u takua me mbrojtësin kuqezi, që ndaj Polonisë qbëri një paraqitje shumë të mirë. Silvinjo dhe Zabaleta ndoqën edhe ndeshjet e Granadas dhe Espanjolit në Spanjë, ku aktivizohen Myrto Uzuni dhe Keidi Bare. Dy pjesëtarët e stafit të Kombëtares u takuan edhe me këta futbollistë dhe folën për dy ndeshjet e qershorit.
Ndihmëstrajneri tjetër, Doriva, shkoi në Zvicër për të ndjekur Abrashin. Silvinjo dhe Doriva ndodhen aktualisht në Itali, ku kuqezinjtë janë të shumtë. Ata do të ndjekin Nedim Bajramin në ndeshjen e Sasuolos me Bolonjën, ndërkohë që do të takohen edhe me Kristjan Asllanin, Berat Gjimshitin, Etrit Berishën dhe Elseid Hysajn.
Fokusi i stafit të Kombëtares është te dy ndeshjet kualifikuese të qershorit ndaj Moldavisë dhe Ishujve Faroe, ku Shqipërisë i duhen 6 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
