Gazeta Si - Gjykata e Posaçme kundër Korrupsionit dhe Krimit të Organizuar ka vendosur nën sekuestro pasuritë një 47-vjeçari shqiptar dhe një shtetasi turk, me burime të ardhura nga aktivitete të paligjshme.
Në rastin e parë, SPAK njofton se bëhet fjalë për Veip Ormënajn, banues në Fier dhe i dënuar në Belgjikë për trafik droge.
“Nga ana e Gjykatës së Posaçme të Shkallës së Parë për Korrupsionin dhe Krimin e Organizuar me vendimin nr.13 datë 31.03.2023, është vendosur: Pranimin e kërkesës së Prokurorisë së Posaçme Kundër Korrupsionit dhe Krimit të Organizuar”, thuhet në njoftim.
Bëhet fjalë për 8 apartamente me sipërfaqe të konsiderueshme në qytetin bregdetare të Vlorës nëzonën e Orikumit dhe disa depozita bankare në emër të Ormënajt. Po ashtu, 47-vjeçarit, i është sekuestruar edhe një sasi prej 260 mijë eurosh në dy llogari bankare.
Sekuestrimin e pasurive të subjektit nën hetim pasuror Veip Ormënaj, si dhe të personave të lidhur si më poshtë:
SPAK vendosi sekuestrimin e pasurive të paluajtshme me sipërfaqe totale 775 (shtatë qind e shtatëdhjetë e pesë) m2, e cila gjendet në Orikum, Vlorë dhe më konkretisht:
Pasuri e llojit apartament me sipërfaqe 220.80m2.
Pasuri e llojit apartament me sipërfaqe 216.50m2.
Pasuri e llojit apartament me sipërfaqe 47.50m2.
Pasuri e llojit apartament me sipërfaqe 44.30m2.
Pasuri e llojit apartament me sipërfaqe 48.m2.
Pasuri e llojit apartament me sipërfaqe 58.70 m2.
Pasuri e llojit apartament me sipërfaqe 46.30.m2.
Pasuri e llojit apartament me sipërfaqe 93.m2
Ndërsa në rastin e dytë, SPAK ka vendosur nën sekuestro pasuritë e turkut Ramazan Keskin në Tiranë pas hetimeve në bashkëpunim me autoritetet gjermane të drejtësisë.
Keskin rezulton i shpallur në kërkim europian për shkak se dyshohet se është kreu i një organizate kriminale që trafikonte drogë në Roterdam, Holandë dhe Gjermani dhe më pas shpërndarjen e saj në të gjithë Europën.
Sipas SPAK, grupi i Keskin përmes korrierëve ka transportuar drogë me vlerë 10 mln euro nga Gjermania në Turqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.