.png)
Gazeta Si – Në sallën e lojërave ‘Feti Borova’ në kryeqytet u zhvillua sot aktiviteti ‘Grushti i Hekurt’, ku morën pjesë boksierët më të mirë shqiptarë, të cilët u ndeshën me boksierë të huaj.
Ndeshja kryesore ishte ajo mes shkodranit Nelson Hysa dhe afrikanit Vikapita Meroro, që u mbyll në raundit e tretë nga boksieri shqiptar. Hysa e hodhi tapet kundërshtarin në momentin e parë që e gjeti zbuluar. Shkodrani ia ka dalë të mbrojë titullin UBO dhe të konfirmohet kampion.
Ndeshjen e tij e fitoi edhe Alban Beqiri, një nga boskierët më të mirë shqiptarë. Ai mposhti Vasil Negaran me vendimin unanim të jurisë. Ky ishte sukesi i shtatë për Beqirin në po kaq ndeshje.
Armando Grishaj fitoi ndeshjen me Stanislav Gudz, pasi kundërshtari u tërhoq pas raundit të parë për probleme fizike. Arjon Kajoshi mposhti Ivans Levickis pas gjashtë raundesh, me vendim të jurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
