Gazeta Si – Kreu i ri i SPAK, Altin Dumani ka ndarë detyrat këtë të hënë, pas mbledhjes në Prokurorinë e Posaçme.
Adnan Xholi është emëruar shef i seksionit kundër krimit të organizuar, ndërsa Arben Kraja është emëruar shef i marrëdhënieve me prokuroritë ndërkombëtare.
Kështu, Xholi ka zënë vendin e Altin Dumanit i cili është emëruar drejtuesi i ri i SPAK. Xholi kishte marrë pjesë dhe në garën për drejtuesin e Prokurorisë së Posaçme Kundër Korrupsionit dhe Krimit të Organizuar.
Arben Kraja, ish-drejtues i këtij institucioni ligjor tashmë do të jetë shef i marrëdhënieve me prokuroritë ndërkombëtare dhe hetues për vitet e mbetura të mandatit të SPAK
Ndërsa kandidati tjetër në garën e dhjetorit të vitit të kaluar, Edvin Kondili është emëruar shef i Seksionit Kundër Korrupsionit po në SPAK.
Altin Dumani, prokuror i disa çështjeve të nxehta të krimit të organizuar në vend, do të drejtojë SPAK-un deri në vitin 2025, pas zgjedhjeve të mbajtura më 16 dhjetor të vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
