Gazeta Si - AKSHI ka nisur procedurën e shkarkimit për punonjsen e saj Erisa Fero, e cila u arrestua në Korçë, pasi në bagazhin e makinës me të cilën po lëvizte u zbuluan 58 kg kanabis.
Në një reagim për mediat, AKSHI dënon aktet në kundërshtim me ligjin, ndërsa ka nisur menjëherë procedurat për shkarkimin e saj.
"Në vijim të deklaratës së Drejtorisë Vendore të Policisë së Korçës, për finalizimin e operacionit “Restart”, me arrestimin e 3 shtetasve, ndër të cilët dhe znj. Erisa Fero, AKSHI njofton se: bazuar në legjislacionin shqiptar në fuqi (Kodi i Punës), ka nisur menjëherë procedurën për shkarkimin nga puna të këtij personi”, - thuhet në njoftim.
Erisa Fero, ishte punonjëse pranë sektorit përkatës të e-Albania, në nivelin Specialiste në këtë institucion.
“Agjencia Kombëtare e Shoqërisë së Informacionit, dënon çdo akt të kundra ligjshëm dhe siguron se do të jetë gjithmonë mbështetës në proceset e institucioneve që veprojnë në mbrojtje të ligjit”, - përundon njoftimin AKSHI.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.