Gazeta Si – Keidi Bare ndalet përsëri. Mesfushori i Kombëtares dhe Espanjolit ka dëmtuar ligamentet e kaviljes dhe duhet t’i nënshtrohet një ndërhyrjeje kirurgjikale, që do të thotë se do të mungojë për një kohë të gjatë.
Ashtu si Broja, i cili këputi ligamentet e gjurit dhe u operua, edhe Bare do t’i mungojë Kombëtares në mars ndaj Polonisë, ndeshje kualifikuese e Europianit. Dy mungesa shumë të rëndësishme për stafin teknik kuqezi, pasi janë dy nga lojtarët më të mirë.
Bare ka pasur dëmtime të herpashershme dhe i ka munguar Kombëtares edhe më parë. Espanjoli, pas dëmtimit të tij, detyrohet të hyjë në merkato për një mesfushor tjetër. Koha e rikuperimit për futbollistin fierak parashikohet në 3-4 muaj.
Kombëtarja ndërkohë nuk ka ende një trajner. Italianit Edi Reja i ka përfunduar kontrata me kuqezinjtë, ndërsa Federata Shqiptare e Futbllit po merr kohë për të vendosur për njeriun që do të udhëheqë skuadrën tonë në kualifikueset e Euro 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
