.png)
Gazeta Si – Nata pas ndeshjes Francë-Marok nuk ka kaluar pa pasoja. Një i ri 14-vjeçar ka humbur jetën në Montpelje, i shtypur nga një makinë gjatë festimeve për kualifikimin e Francës në finale të Botërorit të Katarit, pasi mundi 2-0 Marokun.
“Personi që ngiste mjetin u largua menjëherë, ndërsa makina u gjet pranë vendit ku ndodhi incidenti dhe u sekuestrua nga policia’, – kanë shpjeguar autoritetet franceze në një komunikatë për shtyp, ku saktësohej se hetimet po vazhdojnë.
Djaloshi 14-vjeçar u transportua menjëherë në spital, por ndërroi jetë sapo mori mjekimet e para. Deputetja Nathalie Oziol ka shkruar në Tuiter: ”Ngjarja ka ndodhur në lagjen popullore të La Paillade. Viktima ishte 14 vjeç dhe ky event sportiv po përfundon si një tragjedi”.
Pritej që gjatë dhe pas ndeshjes mes Francës dhe Marokut të kishte trazira, ndaj dhe ishin marrë masa të shtuara nga policia. Megjithatë, nuk është bërë e mundur të shmanget tragjedia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
