.png)
Gazeta Si – “Emocione dhe krenari, sot ishte një ndeshje shumë e rëndësishme për Francën. Tashmë u bë një muaj që jemi bashkë me lojtarët. Nuk është asnjëherë e thjeshtë, kemi pasur edhe fat deri tani.
Lojtarët janë rikompensuar si skuadër dhe të dielën do të kërkojmë titullin”, – ka theksuar mes të tjerash pas ndeshjes me Marokun trajneri Didier Deshamp. Ai do të luajë finalen e dytë në një Botëror dhe synon që të fitojë edhe trofeun e dytë.
Teo Hernandez, një nga autorët e golave ndaj Marokut, theksoi se Franca do të bëjë gjithçka për trofeun në finale ndaj Argjentinës dhe se nuk e frikëson Lionel Mesi.
Merci les Bleus.
— Emmanuel Macron (@EmmanuelMacron) December 14, 2022
Maintenant, la Coupe ! pic.twitter.com/KKZcHlmlJs
Një reagim ka bërë pas fitores edhe presidenti i Francës, Emanuel Makron. “Faleminderit djema! Tani duam Kupën!” – ka shkruar në Tuiter presidenti francez. Ai ishte prezent në stadiumin ‘Al Bayt’ dhe pas ndeshjes zbriti në dhomë e zhveshjes për të festuar me lojtarët.
Në një postim tjetër në Tuiter, Makron ka komplimentuar Marokun: “Miqve tanë marokenë: përgëzime për këtë udhëtim shumë të bukur! Po bëni historinë e futbollit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
