.png)
Gazeta Si – Për shkak të një ftohjeje nga ajri i kondicionuar, dy nga lojtarët titullarë të Francës, mesfushori Adrien Rabiot dhe mbrojtësi Dajot Upamekano, janë në dyshim për ndeshjen e mbrëmjes, gjysmëfinalen me Marokun.
Vendimi përfundimtar do të merret në momentet e fundit para ndeshjes nga trajneri Didier Deshamp dhe stafi mjekësor i kampionëve të botës. Nëse këta dy lojtarë nuk ia dalin, do të jetë pak problem për Francën. Zëvendësuesit e tyre do të jenë Ibrahima Konate’ dhe Jusuf Fofana.
Ajri i kondicionuar është thuajse në çdo ambient në Katar, nga stadiumet te sallat e konferencave për shtyp, nga hotelet te palestrat, duke vënë në rrezik shëndetin e sportistëve, të cilët janë ankuar vazhdimisht për këtë problem.
Rabiot dhe Upamekano kanë qenë dy nga lojtarët më në formë të Francës dhe mungesa e tyre e mundshme në gjysmëfinale do të ishte vërtet një minus i madh për ‘gjelat’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
