.png)
Gazeta Si – Jurrien Timber shkon kundër rrymës sa i takon Botërorit 2022. Të gjithë kritikojnë organizimin e turneut në Katar në periudhën e vjeshtës dhe dimrit, kurse mbrojtësi i Holandës del hapur në favor të kësaj risie.
“Të luash Botërorin në nëntor dhe dhjetor është bukur, më pëlqeu shumë, – ka thënë futbollisti i Ajaksit, duke precizuar se nuk është i vetmi që mendon kështu. – Sipas meje, është një eksperiencë që duhet përsëritur”.
Një deklaratë që nuk ka kaluar pa u vënë re dhe që ka hapur sërish debatin në lidhje me këtë çështje për të ardhmen. Kjo mënyrë u jep edhe një shans vendeve që janë lënë jashtë organizimit të Botërorëve pikërisht për shkak të kohës kur luhet turneu zakonisht (qershor-korrik).
Pavarësisht ngjeshjes së kalendarit, që vë në vështirësi klubet, për Timber zhvillimi i Botërorit në vjeshtë dhe dimër është një avantazh nga pikëpamja ambientale, por edhe për lojtarët dhe spektaklin.
“Të luaja në këtë periudhë ishte bukur edhe nga pikëpamja teknike, – ka shtuar mbrojtësi. – Kemi ardhur këtu në gjendje optimale fizike, sepse nuk ishim të lodhur, siç ndodh zakonisht”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
