.png)
Gazeta Si – Brazili siguron duke vallëzuar biletën e çerekfinaleve të Katar 2022, ku e pret Kroacia. Në ‘974 Stadium’ në Doha Seleçaos i ka mjaftuar një pjesë loje për të arkivuar fitoren, pas golave të Vinicius, Nejmar me penallti, Riçarlison dhe Paketa.
Shumë i fortë Brazili për Korenë e Jugut. Ka përfunduar 4-1 ndeshja mes amerikano-jugorëve dhe aziatikëve, ku skuadra e Tites ka bërë një paraqitje spektakolare. Më 9 dhjetor është programuar përballja me Modriç me shokë.
Ndeshja nisi menjëherë me spektakël dhe pas 6 minutash Vinicius hapi serinë e golave me shumë gjakftohtësi në zonë. Vetëm pak minuta më vojë Riçarlison fitoi një penallti, që Nejmar, i rikthyer nga dëmtimi, e shndërori në gol.
Riçarlison finalizoi një kombinim të bukur të brazilianëve në minutën e 29-të, duke i çuar shifrat në 3-0. Paketa më pas ‘firmosi’ pokerin e Seleçaos dhe pjesa e dytë u bë një formalitet. Brazilianët e hoqën këmbën nga gazi dhe Koreja e Jugut shënoi golin e nderit me Di Paik Seung-Ho.
Tite kurseu disa nga lojtarët kryesorë në pjesën e dytë, pasi rezultati ia lejonte një gjë të tillë. Madje ai i dha mundësinë të luante disa minuta edhe portierit të tretë, në vend të Alisonit. Brazili krijoi disa raste, por nuk shënoi gol tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
