.png)
Gazeta Si – Rahim Sterling humbi ndeshjen e së dielës me Senegalin për shkak të një problemi personal. Lojtarit të Çelsit iu desh të kthehej me emergjencë në Londër, pasi hajdutët i kanë grabitur me armë shtëpinë, duke i tmerruar familjarët.
Sterling mori lejen e trajnerit Southgejt dhe la grumbullimin e Anglisë për të qëndruar pranë bashkëshortes dhe tre fëmijëve, të cilët u shokuan nga ajo që u ndodhi të shtunën në mbrëmje.
“Përparësi për të është të qëndrojë pranë familjes, e mbështesim dhe i japim gjithë kohën e nevojshme. Ndonjëherë futbolli nuk është gjëja më e rëndësishme në jetë, familja vjen para së gjithash”, – ka thënë trajneri anglez pas ndeshjes me Senegalin.
Nuk është e qartë, nëse Sterling do të kthehet në kohë për të luajtur në çerekfinale ndaj Francës më 10 dhjetor. Në vend të tij trajneri Southgejt aktivizoi Foden, i cili përbente treshen sulmuese bashkë me kapitenin Kejn dhe Saka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
