.png)
Gazeta Si – Lionel Mesi humbi një penallti gjatë ndeshjes me Poloninë, kur rezultati ishte 0-0. Një gabim që mund të kishte kosto të lartë, por Argjentina arriti të fitonte dhe të kualifikohej për në 1/8-at e Botërorit.
“Jam i inatosur për faktin që humba penalltinë, por skuadra reagoi me forcë pas gabimit tim, – tha Mesi pas ndeshjes. – E dinim shumë mirë se pas golit të parë ndeshja do të ndryshonte”.
Yli argjentinas nuk është dukur aspak euforik pas kalimit të grupit: “Duhet të jemi të qetë dhe të shohim ndeshje pas ndeshjeje. Tani fillon një tjetër Botëror dhe shpresojmë të vazhdojmë të fitojmë si sot.
Me Australinë do të jetë shumë e vështrirë. Kushdo mund të mundë këdo, është shumë i ekuilibruar ky Botëror. Duhet ta përgatisim ndeshjen e radhës në mënyrën më të mirë të mundshme, siç bëjmë gjithmonë”, – përfundoi Mesi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
