.png)
Gazeta Si – Futbolli është shpesh i pamëshirshëm. E provoi sot edhe Danimarka, që dominoi ndeshjen me Australinë, por u godit nga një kundërsulm i kundërshtarit, duke u eliminuar nga Katar 2022.
‘Kangurët’ fituan 1-0 ndeshjen vendimtare në Grupin D, falë golit të Lekit pas një ore lojë. E gjithë pjesa e parë u luajt në gjysmëfushën australiane, por danezët nuk mundën të finalizonin në asnjë rast.
Australianët menduan vetëm për kundërsulmin, duke qenë se u bënte punë edhe barazimi. Dhe në një të tillë Leki mposhti portierin Shmaikel, duke i dhënë Danimarkës një goditje të fortë. Pavarësisht ndërrimeve që bëri trajneri Hjumland, danezët në asnjë rast nuk kërcënuan rrezikshëm. Vetëm një pikë për ta në këtë Botëror dhe vendi i fundit në grup.
Në ndeshjen tjetër, Franca e kualifikuar luajti me formacionin e dytë ndaj Tunizisë. Dhe humbi me rezultatin 1-0. Khazri realizoi golin e fitores për Tunizinë, që gjithsesi nuk mundi të kualifikohet. Grizman barazoi shifrat në shtesë, por goli i tij u anulua për pozicion jashtë loje.
Kampionët e botës e mbyllin grupin me 6 pikë, po aq sa Australia. Tunizia dhe Danimarka janë të eliminuarat e radhës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
