.png)
Gazeta Si – FIFA ka dhënë miratimin për përdorimin e të gjitha objekteve me ngjyrat ylber dhe banderolave në mbështetje të protestave në Iran në stadiumet e Botërorit, që po zhvillohet në Katar.
Gjatë javës së parë të kompeticionit më të rëndësishëm të futbollit, shtatë skuadra europiane e humbën betejën për të mbajtur në fushë shiritat shumëngjyrësh ‘One Love’. Disa tifozë gjithashtu janë ankuar për faktin se nuk janë lejuar të mbajnë në stadium ngjyrat ylber, simbol i të drejtave të komunitetit Lgbtq+.
Kjo ka ndodhur, sepse Katari është një vend islamik konservator, por tani situata ka ndryshuar. Me anë të një komunikate zyrtare, FIFA ka shpjeguar se është “në dijeni të disa incidenteve, ku objektet e lejuara nuk mund të ekspozoheshin në stadiume”.
Organi që drejton futbollin botëror pohon se ka marrë garanci nga autoritetet se në stadiume do të aplikohen “norma dhe rregollore të koordinuara për Kupën e Botës Katar 2022”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
