.png)
Gazeta Si – Anglia u kualifikua si kryesuese në grupin e saj, me 7 pikë në 3 ndeshje. Megjithatë, ndaj trajnerit Gareth Southgejt ka pasur kritika, veçanërisht për lënien në stol të Aleksandër-Arnold dhe Foden, apo aktivizimin e paktë të tyre.
Ndaj Uellsit trajneri i ‘Tre Luanëve’ ndryshoi mendje, dëgjoi kritikat dhe i aktivizoi të dy këta lojtarë, Fodenin si titullar (autor i një goli) dhe Aleksandër Arnold në pjesën e dytë.
Pas ndeshjes, Southgejt ka komplimentuar skuadrën, por më shumë autorin e dy golave, sulmuesin Markus Rashford. “Ishte fantastik. Rashford është stërvitur vërtet mirë dhe ka qenë impresionues që kur është kthyer me ne. Mund të kishte shënuar tre gola, – u shpreh trajneri anglez për BBC. – Ajo goditje dënimi tregon se çfarë është në gjendje të bëjë. Është një gjuajtje e jashtëzakonshme.
Në pjesën e parë të ndeshjes me Uellsin kontrolluam lojën, por nuk krijuam raste mjaftueshëm. Donim të shtynim më shumë dhe të kishim rrezikshmëri, duke luajtur më shpejt. Sapo shënuam dy golat, e dinim që shpirti i tyre do të venitej. Ishte një turne i komplikuar për ta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
