.png)
Gazeta Si – Presidenti i Shteteve të Bashkuara të Amerikës, Joe Biden, ka folur me entuziazëm pas fitores së kombëtares amerikane të futbollit ndaj Iranit, që solli edhe kualifikimin e saj për në fazën tjetër të Botërorit të Katarit.
“Shtetet e Bashkuara një, Irani zero! Ndeshja përfundoi!”, – u shpreh Biden nga Miçigani, ku ndodhej për një event për iniciativat ekonomike të administratës.
“Usa! Usa! Çfarë ndeshje e madhe. Kur fola me trajnerin dhe lojtarët, u thashë se ‘mund t’ia dilnin’. Dhe ia dolën. Sa shumë ju dua”, – shtoi më tej presidenti amerikan, duke iu referuar telefonatës përshëndetëse me skuadrën në prag të Botërorit.
SHBA-të fituan 1-0 ndaj Iranit dhe u renditën në vend të dytë në grup, duke u kualifikuar për në fazën e 1/8-ve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
