Gazeta Si – Trajneri i Brazilit, Tite, ka komentuar për ‘EFE’ fitoren e ngushtë të skuadrës së tij ndaj Zvicrës, 1-0, që mjaftoi për të kaluar në fazën e 1/8-ve të Katar 2022 një ndeshje para kohe.
"Është një fitore e gjithë grupit. Kualifikimi është zhvillim i procesit të këtyre katër viteve të fundit. Kasemiro mesfushori më i mirë në botë? Normalisht, e kam zakon të respektoj opinionet e të gjithëve dhe jo t’i komentoj, por sot do të bëj një përjashtim. Jam dakord.
Ishte ndeshja e parë pa Nejmarin, natyrisht ai është një lojtar ndryshe nga të tjerët, që ka aftësinë të bëjë gjëra të befasishme. Na mungon kreativiteti i tij, por kemi lojtarë të tjerë me shumë dëshirë për të shfrytëzuar shansin e tyre në këtë kompeticion", - është shprehur Tite.
Ndeshjen e fundit në grup Brazili e luan me Kamerunin, ku pritet që të ketë më shumë hapësirë për lojtarët e stolit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.