.png)
Gazeta Si – Botërori i Katarit hyn sot në fazën, ku gabimi është i pafalshëm, sepse nuk ka më kohë për rikuperim. Luhen sot katër ndeshjet e treta të Grupeve A dhe B, që do të përcaktojnë edhe 4 skuadrat që do të kualifikohen për në fazën e 1/8-ve, duke iu bashkuar Francës, Brazilit dhe Portugalisë.
Ndeshjet e sotme dhe të tjerat e fazës në grupe do të luhen në të njëjtin orar. Në orën 16:00 luhen dy ndeshjet e Grupi A, ku Holanda pret Katarin e eliminuar, ndërsa Ekuadori përplaset me Senegalin në një sfidë direkt për kualifikimin.
Për skuadrën e trajnerit Van Gal, me 4 pikë në 2 ndeshje, pritet një fitore e lehtë dhe vendi i parë në grup. Katari është vlerësuar nga të gjithë si skuadra më e dobët e kompeticionit. Mjaft e rivalizuar pritet të jetë ndeshja mes Ekuadorit dhe Senegalit, ku amerikano0-jugorëve u mjafton edhe barazimi.
Një tjetër sfidë e tillë, por edhe më e ndezur për shkak të faktorëve jashtë fushe, pritet të jetë ajo mes Iranit dhe SHBA-ve në Grupin B. Edhe në këtë ndeshje luhet për një biletë për në 1/8-at. Irani ka 3 pikë, kurse SHBA-të 2, ndaj dhe për aziatikët bën punë edhe një barazim. Anglia, që kryeson grupin me 4 pikë, luan derbin me Uellsin e vendit të fundit me 1 pikë.
Ndeshjet e sotme
Ekuador-Senegal (16:00)
Holandë-Katar (16:00)
Iran-SHBA (16:00)
Uells-Angli (16:00)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
