.png)
Gazeta Si – Në lojë është kualifikimi, prestigji dhe krenaria gjermane. Ndeshja e sotme me Spanjën është vërtet për ‘jetë a vdekje’ për skuadrën e Hansi Flik, pas atij starti mjaft zhgënjyes, humbjes me Japoninë.
Për të mbetur në garë për kalimin në 1/8-at e Katar 2022, ‘pancerat’ duhet të mundin një Spanjë në formë të shkëlqyer, që shënoi 7 gola në debutim ndaj Kosta Rikës. E vërteta është se edhe vetë specialistët gjermanë të futbollit, si Jurgen Klinsman për shembull, i japin pak shanse kualifikimi kësaj skuadre. Gjermania ka probleme, sidomos në mbrojtje.
Spanja me siguri nuk do të tolerojë aspak, do të synojë fitoren e dytë për të treguar se është vërtet një skuadër e denjë për të pretenduar trofeun. ‘Djemtë e tmerrshëm’ të Luis Enrikës janë gati të godasin sërish, Gjermania është e paralajmëruar.
Në ndeshjet e tjera që luhen sot, Kroacia do të kërkojë fitoren e parë ndaj Kanadasë, Belgjika është favorite ndaj Marokut, ashtu si dhe Japonia ndaj Kosta Rikës.
Ndeshjet e sotme
Japoni-Kosta Rikë (11:00)
Belgjikë-Marok (14:00)
Kroaci-Kanada (17:00)
Spanjë-Gjermani (20:00)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
