.png)
Thirrjet diskriminuese që dyshohet se u bënë nga tifozët e Ekuadorit në ndeshjen hapëse të Kupës së Botës, kanë bërë që FIFA të hapë rastin e parë disiplinor të turneut.
FIFA ka njoftuar se procedura disiplinore është hapur ndaj Ekuadorit “për shkak të thirrjeve” në ndeshjen kundër Katarit të dielën dhe ka cituar nenin e saj disiplinor që ka të bëjë me diskriminimin.
Thuhet se thirrjet i drejtoheshin Kilit, i cili me anë të çështjeve ligjore bëri përpjekje për të zënë vendin e Ekuadorit në Botëror.
FIFA nuk ka dhënë asnjë afat kohor për trajtimin e çështjes kundër Federatës së Futbollit të Ekuadorit, e cila konsiderohet përgjegjëse për sjelljen e tifozëve në lojëra.
Tifozët e Ekuadorit gjithashtu tërhoqën vëmendjen globale me thirrjet e tyre në gjuhën spanjolle “ne duam birrë” gjatë fitores 2:0 të ekipit në stadiumin “Al Bayt”.
Ishte kjo një referencë për organizatorët e FIFA-s dhe Katarit që ndaluan shitjen e birrës me alkool në stadiume. /koha
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
