.png)
Gazeta Si – Surprizën e dytë të madhe në Botërorin e Katarit e ka bërë Gjermania. Në sensin negativ. Skuadra e drejtuar nga trajneri Hansi Flik është mundur 1-2 nga Japonia në ndeshjen e parë në grup, duke rrezikuar shumë kualifikimin.
I njëjti ‘film’ si ai i Argjentinës me Arabinë Saudite. Gjermania shënoi e para me penallti, me anë të Gyndogan, ndërsa në pjesën e dytë erdhi përmbysja e Japonisë me 2 gola. Ndryshimi i vetëm me Argjentinën është se gjermanët i pësuan golat në fund dhe nuk kishin shumë kohë të reagonin.
Një tjetër rezultat i pabesueshëm ky në Doha. Gjermania dominoi në pjesën e parë ndaj aziatikëve, por nuk mundi të shënonte më shnumë se një gol. Në pjesën e dytë muzika ndryshoi, pavarësisht se sërish skuadra e Flik humbi raste.
Ndërrimet e trajnerit të Japonisë, Morijasu, i dhanë forcë skuadrës, që barazoi me Doan dhe pastaj, 7 minuta para fundit të kohës së rregullt, shënoi edhe golin e fitores me Asano, i cili shtangu Nojerin. Komplikohen menjëherë llogaritë për Gjermaninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
