.png)
Gazeta Si – Sulmuesi Leroi Sane e ka humbur ndeshjen debutuese të Gjermanisë me Japoninë. Ai nuk ka marrë pjesë në stërvitjen e fundit të ‘Nationalmannschaft’, kështu që trajneri Flik nuk e llogarit për ndeshjen e së mërkurës.
Sane ka një problem në gju, sipas informacionit të dhënë nga Federata Gjermane e Futbollit. Sulmuesi i Bajernit do të mungojë të paktën ndaj Japonisë, duke prishur jo pak planet e stafit teknik, pasi ai është një lojtar mjaft i rëndësishëm.
Trajneri Flik kishte në dispozicion në stërvitjen e fundit 25 lojtarët e tjerë. Gjermania do të udhëtojë sot nga qendra e saj stërvitore për në Doha, ku të mërkurën do të luajë me Japoninë. Gjermanët bazohen te boshti i Bajernit në këtë Botëror, ku si rrallë herë nuk nisen në rreshtin e parë të favoritëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
